အမေ့ကိုမုန်းတယ်

ကျွန်တော် အမေ့ကိုမုန်းတယ်… အမေဟာ သူများတွေရဲ့ အမေနဲ့မတူဘူး…. မျက်လုံးတစ်ဘက်ပဲရှိတယ်…. ရုပ်ဆိုးလိုက်တာ… အရမ်းကို ရှက်ဖို့ ကောင်းတာပဲ… ဆိုင်လေးသေးသေး၊ စုတ်ပြတ်ပြတ်လေးမှာ အမေကဟင်းသီးဟင်းရွက်လေးတွေရောင်းတယ်။ 

ဒီလိုဆင်းဆင်းရဲရဲ ဈေးရောင်း နေတဲ့အမေ့ကိုကြည့်ပြီး ကျွန်တော်ရှက်တယ်…. 
အမေ့ကြောင့် လူတွေကကျွန်တော်တို့ကို အထင်သေးကြတယ်လို့ ကျွန်တော်ထင်တယ်… သူများအမေတွေလို ဘာလို့များ အမေဟာချမ်းသာအောင်မလုပ်သလဲဆိုတာ ကျွန်တော်ဖြင့်နားကိုမလည်နိုင်ပါဘူး…. ဒါကြောင့် အမေ့ကိုကျွန်တော်မချစ်ဘူး.. မုန်းတယ်… 

ဒီနေ့ ကျွန်တော်တို့မူလတန်းကျောင်းမှာ အားကစားပြိုင်ပွဲတွေလုပ်တယ်….
ကျောင်းသားမိဘတွေကိုဖိတ်တယ်… ကျွန်တော် အမေ့ကိုမလာစေချင်ဘူး… ဒါပေမယ့် အမေကကျောင်းကိုရောက်လာတယ်… အမေ ဘယ်လိုများလုပ်လိုက်တာလဲ.. လူတွေကြားမှာ ကျွန်တော့်ကိုအရှက်လာခွဲတယ်…. ရှက်စရာကောင်းလိုက်တာ.. အခုတော့ ကျွန်တော့် အမေဟာ ရုပ်ဆိုးဆိုးနဲ့ မျက်လုံးတစ်ဖက်ထဲ ရှိတဲ့သူဆိုတာ ကျောင်းကသူငယ်ချင်းတွေ အကုန်သိကုန်ပြီ ကျွန်တော် အမေ့ကိုခါးခါးသီးသီးကြည့်မိတယ်…
ပြီးတော့ ကျောင်းထဲကနေ ပြေးထွက်ခဲ့မိတယ်…

နောက်တစ်နေ့ ကျောင်းတက်တော့ အတန်းဖော်တွေက ကျွန်တော့ကို ၀ိုင်းပြီး 
“မင်းအမေက မျက်လုံး တစ်ဘက်တည်း ရှိတယ်နော်” လို့ စကြတယ်..
အော်ဟစ်နောက်ပြောင်ကြတယ်… ကျွန်တော်ဒေါသလဲထွက် ရှက်လဲရှက်မိတယ်…. 
အမေ့ကို ကမ္ဘာမြေကြီးပေါ်ကနေ ပျောက်ကွယ်သွားပါစေလို့ကို ဆုတောင်း မိတယ်… သူများအမေတွေလိုကြည့်ကောင်းတဲ့ ရုပ်ရည်လဲမရှိဘူး.. သူများအမေတွေလို ပိုက်ဆံလဲမချမ်းသာဘူး.. ကျွန်တော် အမေ့ကို အရမ်းမုန်းတာပဲ.. 

အိမ်ပြန်ရောက်တော့ ကျွန်တော် အမေ့ကိုမေးတယ်.. “အမေ့မျက်လုံးတစ်ဘက်က ဘယ်ရောက်သွားတာလဲ.. အမေက သူများအမေတွေလိုလဲမလှဘူး…. ရုပ်ကဆိုး၊ 
ဆင်းကလဲ ဆင်းရဲသေးတယ်….. အမေဟာ ကျွန်တော့ကိုအရှက်ခွဲဖို့ သက်သက်များအသက်ရှင်နေတာလား… အမေဘာကြောင့် မြန်မြန်မသေတာလဲ” လို့ ရက်ရက်စက်စက် ကျွန်တော်ပြောပစ်လိုက်တယ်။ 

အမေက ဘာမှကို ပြန်မပြောဘူး…. ၀မ်းနည်းတဲ့ မျက်နှာလေးနဲ့ တိတ်တိတ်ဆိတ်ဆိတ်ပဲ လုပ်စရာရှိတာကို လုပ်နေခဲ့တယ်… ကျွန်တော် နည်းနည်းတော့ စိတ်မကောင်း
ဖြစ်သွားမိတယ်… အမေ့ကို အဲလို ပြောလိုက်မိလို့.. ဒါပေမယ့် တစ်ချိန်တည်းမှာပဲ
အဲလို ပြောလိုက်ရတာကိုလည်း ကျေနပ်သွားမိတယ်… ကျွန်တော်တစ်ချိန်လုံး အမေ့ကိုပြောချင်ခဲ့တဲ့စကားကို ပြောလိုက် ရလို့လေ… အဲဒီည…. ကျွန်တော် တစ်ရေးနိုးလားတော့ ရေဆာတာနဲ့ ရေသောက်ဖို့ ထမင်းစားခန်းထဲကိုအသွားတိတ်တိတ်လေး ငိုကြွေးနေတဲ့ အမေ့ကို ကျွန်တော်တွေ့လိုက်တယ်.. ကျွန်တော်နိုးသွားမှာစိုးလို့ အသံမထွက်ရှာဘဲ တိုးတိုးလေးငိုနေတဲ့ အမေ…..။ အမေ့ကို ကျွန်တော်တစ်ချက်ကြည့်ပြီး အမြန်ဆုံးပြန်ထွက်လာခဲ့တယ်…

တကယ်တော့ နေ့လည်က အမေ့ကို ကျွန်တော်ပြောလိုက်မိတဲ့စကားကြောင့် ကျွန်တော်ကိုယ်တိုင်လည်း အသည်းနှလုံးထောင်တစ်နေရာမှာလဲတဆစ်ဆစ်နဲ့ ကိုက်ခဲနေသလိုပါဘဲ… ဒါပေမယ့် အရုပ်ဆိုးလှတဲမျက်လုံးတစ်ဖက်တည်းနဲ့ ငိုနေတဲ့အမေ့ကို ကျွန်တော်မုန်းတယ်… ဒီတော့…. ကျွန်တော် ဆုံးဖြတ်ချက် ချလိုက်မိတယ်…. ခုချိန်ကစပြီး ငါ့ခြေထောက်ပေါ်ငါ ရပ်တည်နိုင်အောင် ကြိုးစားတော့မယ်… ငါ့ဘ၀ကို အောင်မြင်အောင် လုပ်မယ်.. ငါအမေ့ကို မုန်းတယ်.. ပြီးတော့ ဒီ စုတ်ပြတ် ဆိုးဝါးလှတဲ့ ဆင်းရဲခြင်းကို ငါမုန်းတယ်.. ဒီကနေငါလွတ်အောင် ရုန်းမယ်.. အမေ့ဆီကနေ….. ပြီးတော့ ဆင်းရဲခြင်းဆီကနေ….. အမေ့အိမ်ကနေ ထွက်လာပြီး.. ဆိုးလ်မြို့မှာ ကျွန်တော်ပြင်းပြင်းထန်ထန်ကြိုးစားတယ်.. 

ကျွန်တော့်ဘ၀အတွက်……. ရှေ့ခြေလှမ်းတွေအတွက်…… ရည်မှန်းချက်အပြည့်နဲ့ပေါ့ အထက်တန်းအောင်တော့ ဆိုးလ်တက္ကသိုလ်ကြီးမှာ ပညာသင်ခွင့်ရတယ်… ကျွန်တော်ကိုယ့်ကိုယ်ကို ယုံကြည်ချက်တွေပိုပြီးပြင်းထန်လာတယ်၊ ခိုင်မာလာတယ်.. ကျောင်းပြီးတော့ ကျွန်တော်အိမ်ထောင်ပြုတယ်…. စီးပွားရေးလဲအဆင်ပြေတော့ ကိုယ်ပိုင်အိမ်နဲ့ဘာနဲ့ဖြစ်လာတယ်.. သားသမီးတွေရလာတယ်..

ခုတော့ကျွန်တော့်ဘ၀မှာ ပျော်ရွှင်သာယာတဲ့အိမ်ထောင်နဲ့၊ အောင်မြင်တဲ့လူတစ်ယောက်အဖြစ် ရပ်တည်နေပြီ… ဒီမှာနေရတာ ကျွန်တော်သဘောကျတယ်.. ကျွန်တော်ဘ၀ရဲ့အတိတ်၊ ရုပ်ဆိုးလှတဲ့ကျွန်တော့အမေ၊ ဆင်းရဲလွန်းတဲ့ ကျွန်တော့်ငယ်ဘ၀ အဲဒါတွေကိုသတိရစရာ
ပြန်အမှတ်ရစရာ ဘာမှလဲမရှိတော့ဘူး… ကျွန်တော်ရဲ့ အတိတ်တွေအားလုံးကို မေ့ထားပြီး ခုလက်ရှိဘ၀မှာ ကျွန်တော်ပျော်နေပြီ…. ကျေနပ်နေပြီ…ကျွန်တော်ဘ၀ကို အကျေနပ်ကြီးကျေနပ်ပြီး ပျော်ရွှင်နေတုန်း လုံးဝဘယ်တုန်းကမှ မမျှော်လင့်ထားတဲ့ သူတစ်ယောက် ကျွန်တော့်ရှေ့ကို ရောက်လာတယ်….. 

“ဘုရားရေ…..အမေပါလား” “ခုချိန်ထိ မျက်လုံးတစ်ဘက်ပျက်ကြီးနဲ့ ရှိနေတုန်း… ဆိုးလိုက်တာဗျာ..” ကောင်းကင်ကြီးတစ်ခုလုံး ကျွန်တော့ရှေ့ကိုပြိုကျလာသလိုဘဲ…. ကျွန်တော့သမီးလေးက မျက်လုံးတစ်ဖက်တည်းနဲ့ ရုပ်ဆိုး လှတဲ့အမေ့ကိုမြင်တော့ လန့်အော်ပြီးအိမ်ထဲကို ပြေးဝင်သွားတယ်.. ကျွန်တော် ဒေါသတွေ ဒီရေလိုတက်လာတယ်… “ခင်ဗျားဘယ်သူလဲ.. ခင်ဗျားကိုကျုပ်မသိပါလား .. ခင်ဗျားက ကျုပ်အိမ်ကို ဘာကိစ္စနဲ့ လာရတာလဲ.. ကျုပ်သမီးလေး ခင်ဗျားရဲ့ရုပ်ကြီးကိုမြင်ပြီးလန့်သွားပြီ…. သွား….. ခင်ဗျား ခုချက်ခြင်း ကျုပ်အိမ်က ထွက်သွား” ကျွန်တော် မသိဟန်ဆောင်ပြီး တကယ့်ကို မမှတ်မိသလိုနဲ့ အမေ့ကို ပြောပစ်လိုက်တယ်..

 “အို…. ၀မ်းနည်းပါတယ်ရှင်…. ကျွန်မ အိမ်လိပ်စာမှားပြီးဝင်လာမိတာပါ…” အမေက တိုးတိုးတိတ်တိတ်လေးဘဲပြန်ဖြေပြီး ကျွန်တော့်မျက်စိရှေ့ကနေတစ်ရွေ့ရွေ့နဲ့
ပျောက်ကွယ်သွားတယ်.. တော်ပါသေးရဲ့.. ဘုရား မ လို့.. အမေ ကျွန်တော့်ကို မမှတ်မိဘူး.. ကျွန်တော့်စိတ်တွေ အတော်သက်သာရာရသွားတယ်.. ကိုယ့်ကိုယ်ကို ပြောမိတယ်.. “ငါနောက်ကို သတိထားစရာ မလိုတော့ဘူး… ငါ့ဘ၀တစ်လျှောက်လုံး ဒီအကြောင်းတွေ ထပ်ပေါ်လာတော့မှာ မဟုတ် တော့ဘူး” တစ်နေ့….. ကျွန်တော့်ဇာတိဖြစ်တဲ့ ငယ်ငယ်ကနေခဲ့တဲ့ ကျောင်းကနေ ကျောင်းသားဟောင်းတွေ ပြန်လည်တွေ့ဆုံပွဲလုပ်မယ့် ဖိတ်စာလေး ရောက်လာတယ်။ မသွားချင်ပေမယ့် ကျွန်တော်သွားရဦးမယ်…

ကျွန်တော့မိန်းမကို အမှန်အတိုင်းမပြောဘဲ စီးပွားရေးကိစ္စနဲ့ ခရီးထွက်စရာရှိတယ်လို့ ကျွန်တော်လိမ်လိုက်တယ်… ကျွန်တော့ရဲ့ဆင်းရဲတဲ့ ငယ်ဘ၀အကြောင်း ကျွန်တော့် မိန်းမကို ဘယ်တုန်းကမှ မပြောခဲ့ဖူးဘူးလေ… တွေ့ဆုံပွဲပြီးတော့ ကျွန်တော် ငယ်ငယ်ကနေခဲ့တဲ့ အိမ်လေးကို ကြည့်ဖို့ထွက်လာခဲ့တယ်။ အိမ်လို့သာခေါ်တာပါ အိမ်နဲ့တောင် မတူပါဘူး။ အမိုးအကာမလုံတဲ့ တဲကုတ်လေးပါ။ ဘာရယ်မဟုတ်ပါဘူး.. စပ်စုချင်တဲ့စိတ်ကလေးနဲ့ အိမ်ကလေးက ဘယ်လိုများ ဖြစ်နေမှာပါလိမ့် ဆိုပြီး ကြည့်ချင်တာနဲ့ ထွက်လာတာ…. ဒီမှာဘဲ.. ကျွန်တော့်အမေကို အေးစက်စိုစွတ်နေတဲ့ မြေပြင်ပေါ်မှာလဲကျနေတာတွေ့လိုက်ရတယ်… ဒါပေမယ့် ကျွန်တော် မျက်ရည်ကျဖို့မပြောနဲ့ ၀မ်းနည်းတဲ့စိတ်နည်းနည်းလေးတောင် မဖြစ်မိဘူး… အမေ့လက်ထဲမှာ စာရွက်ပိုင်းလေးတစ်ခုကို တွေ့ရတယ်…

ကျွန်တော်ယူကြည့်လိုက်တော့ အမေရဲ့မပီမသမလှမပလက်ရေးလေးတွေနဲ့ ကျွန်တော့်အတွက် ရေးထားတဲ့ စာမှန်းသိလိုက်ရတယ်… သားလေးရေ… အမေ မကျန်းမမာ ဖြစ်နေတာကြာပါပြီ….. အမေမသေခင် သားလေးဖတ်ဖို့ ဒီစာလေး ရေးထား ခဲ့ချင်လို့ပါ… အမေ နေရတော့မယ် မထင်ပါဘူးကွယ် …. သားလေးရှိတဲ့ ဆိုးလ်ကိုလဲ နောက်တစ်ကြိမ် ဘယ်တော့မှ အမေရောက်နိုင်တော့မှာ မဟုတ်ပါဘူး…. သားလေးကိုအမေ့ဆီတစ်ခေါက်လောက် လာလည်စေချင်လိုက်တာကွယ်….

အမေလေသားလေးကို အရမ်းလွမ်းလို့ပါ.. တွေ့ချင်လွန်းလို့ပါ…
ကျောင်းသားဟောင်းတွေ ပြန်လည်တွေ့ဆုံပွဲကို သားလေးလာမယ်ကြားတော့ 
အမေ ၀မ်းသာလိုက်တာ.. ဒါပေမယ့် ကျောင်းကိုအမေမလာဖို့ဆုံးဖြတ်ထားပါတယ်။ အဲဒါကသားလေးအတွက်ပါကွယ်… အမေ့မှာက မျက်စိတစ်ဖက်ထဲရှိတာကိုး…. ဒီအတွက်နဲ့ သားကိုအရှက်ရစေတာ အမေ၀မ်းနည်းပါတယ် သားရယ်… ။ 

အမေ ပြောပြပါ့မယ် သားရယ်… အမှန်တော့ သားငယ်ငယ်တုန်းက ဆော့ကစားရင်း မတော်တဆဖြစ်ပြီး သားမျက်စိတစ်ဖက်ပျက်စီးသွားခဲ့တယ်… အမေတစ်ယောက်အနေနဲ့ မျက်စိတစ်ဖက်မရှိတော့တဲ့သားကို ဘယ်လိုလုပ်ကြည့်ရက်နိုင်ပါ့မလဲကွယ်… သားကြီးလာရင် မျက်စိတစ်ဘက်တည်းနဲ့ လူတွေကြားဘယ်လိုများနေမလဲလို့ တွေးကြည့်တိုင်း စိတ်ဆင်းရဲမိတယ်… ယူကျုံးမရ ဖြစ်ရတယ်…. ကြီးလာရင် ငါ့သားလေးရှက်မယ်ဆိုတာ အမေသိတယ်…. အမေကအသက်ကြီးပြီ.. သားက လူ့ဘ၀ကို အရှည်ကြီးလျှောက်လှမ်း
ရဦးမှာလေ… 

ဒါကြောင့် အမေ့ရဲ့မျက်စိတစ်ဘက် သားကိုပေးလိုက်တာပါ… အမေ့ရဲ့ မျက်လုံးနဲ့လောကကြီးကို ငါ့သားလေးကောင်းကောင်းမွန်မွန် ပြန်မြင်လာနိုင်တဲ့အတွက် သားကိုကြည့်ပြီး အမေ၀မ်းသာ မိတယ်.. ဂုဏ်ယူမိတယ်…. ဒီအတွက် အမေဘယ်တော့မှ စိတ်မကောင်းမဖြစ်ပါဘူး.. ၀မ်းလဲမနည်းခဲ့ပါဘူး.. ငယ်ငယ်က အမေ့ကိုသားလေး စိတ်ဆိုးခဲ့ဖူးတယ်.. စိတ်ဆိုးပြီး အမေ့ကိုပြောခဲ့ဆိုခဲ့တာတွေ အမေသားကို ဘယ်တော့မှဗွေမယူခဲ့ပါဘူး ငါ့သားလေး ငါ့ကိုချစ်လို့ ပြောတာဘဲလို့ အမေတွေးခဲ့ပါတယ်..

အမေသားကို ချစ်တယ် သားရယ်…. သားဟာ အမေ့ရဲ့ ဘ၀၊ အမေရဲ့ ကမ္ဘာပါကွယ်……..

အိုး.. ကျွန်တော့်အသည်းတွေကွဲကုန်ပါပြီ။ အမေရယ်…. သားကိုခွင့်မလွှတ်ပါနဲ့… 
ဘယ်တော့မှ သားမိုက်ကို ခွင့်မလွှတ်ပါနဲ့….. ကျွန်တော် ရှိုက်ကြီးတငင်ငိုကြွေးနေမိပါပြီ…. ကျွန်တော် သိပ်မုန်းခဲ့တဲ့မျက်လုံးတစ်ဖက်တည်းရှိခဲ့တဲ့ အမေဟာ ကျွန်တော့ အတွက် သူ့မျက်လုံးကိုစွန့်လွှတ်ခဲ့တယ်ဆိုတာ အမေသေမှ ကျွန်တော် သိလိုက်ရပါပြီ…. ကျွန်တော့်အတွက် ပေးဆပ်အနစ်နာခံပြီး ချစ်သွားတဲ့ အမေ့ရဲ့မေတ္တာကို ဘယ်တုန်းကမှ မသိတတ်နားမလည်တတ်ခဲ့တဲ့ ကျွန်တော်… ဘယ်တုန်းကမှမငိုခဲ့ဖူးတဲ့ ကျွန်တော်… လူမိုက်ကြီး၊ ခုတော့ မဆုံးနိုင်တဲ့ မျက်ရည်တွေနဲ့ အမေ့အတွက် ငိုကြွေးနေမိပါပြီ… 

(မိဘမေတ္တာကိုနားလည်ခံစားနိုင်ကြပါစေ..။) 

အစဉ်ကြိုးစားလျှက် မြန်မာအဲရင်းအဖွဲ့ (၂ဝ၁၅ မေလ)