မြင်း နဲ့ ငန်းပုံပြင်

စားကျက်မြက်ခင်းထဲမှာမြင်းတစ်ကောင်နဲ့ငန်းတစ်ကောင်စုံမိကြတယ်။ ငန်းကမြင်းရဲ့အမူအရာကိုသဘောမကျ မထီလေးစားအားမနာသည့်ပုံစံလို့မြင်တယ်။ 

ဒါနဲ့ပဲ ငန်းကမြင်းကိုပြောတယ်။ 
‘ဟေ့ ဒီမှာ ငါကမင်းထက်ပိုကြီးကျယ်ပြည့်စုံတဲ့အကောင်ပါကွ မင်းခန္ဓာကိုယ်ကြီးနဲ့ မင်းလုပ်နိုင်တာတစ်မျိုးတည်းရှိတယ်၊ ငါကဟောဒီမြေကြီးပေါ်မှာ မင်းတို့လိုလမ်းလျှောက်ဆိုလဲ
လျှောက်နိုင်တယ်။ ပြီးတော့အတောင်နှစ်ဖက်လည်းပါတော့ လေထဲပျံချင်သလိုပျံနိုင်တယ်။
ရေအိုင်ချောင်းမြောင်းတွေ့ရင်လည်း အသာလေးဆင်း ရေအေးအေးလေးစိမ်ပြီး ကူးခတ်ဆော့ကစားနိုင်တယ်။ ငါ့မှာကောင်းကင်က ငှက်၊ ရေထဲကငါး၊ ကုန်းပေါ်ကဆင်မြင်း ကျွဲနွား သတ္တဝါသုံးမျိုးလုံးရဲ့စွမ်းအင်တွေရှိတယ်”။ 

ဒီစကားကြားတော့မြင်းကရယ်တယ်။ ဟုတ်ပါ့ဗျား ခင်ဗျားမှာ ကုန်းရေလေ သတ္တဝါသုံးမျိုးလုံးရဲ့ စွမ်းအင်တွေစုဝေးနေတာကိုး၊ ဒါပေမယ့်ဘယ်စွမ်းအင်မှ ပြည့်ပြည့်ဝဝမရှိ မစို့မပို့ချည်းဖြစ်နေ တာဆိုးတယ်ဗျာ၊ ခင်ဗျားပျံတယ်ဆို မနိုင်မနင်း လေးလေးလံလံကြီး မြေပေါ်ကခဏ တစ်ဖြုတ် လွတ်တယ်ဆိုရုံ ဟိုနားသည်နားလေးရောက်ရုံ အဲဒါနဲ့တင်ကိုယ့်ကိုယ်ကို စင်ရော်တို့ လင်းယုန် တို့လို ငှက်စာရင်းသွင်းလို့ဖြစ်ပါ့မလားဗျ။ ရေမှာဆိုလည်း ငြိမ်သက်တဲ့ကန်ရေပြင်လိုဟာမျိုး
ပေါ်မှာ အပေါ်ယံလေးရှပ်ပြီး ရွေ့ရွေ့လေးသွားနိုင်တာ။

ငါးလို ဖျံလို ကျင်လည်တာလည်းမဟုတ်ဘူး။ လှိုင်းတွေလေတွေနဲ့ဆိုခင်ဗျားထွက်ပြေးရတာမဟုတ်လား။
မြေကြီးပေါ်မှာ လမ်းလျှောက်တော့ရော လူတွေပြောပြောနေတဲ့ ဘဲသွားသွားတယ်ဆိုတာ ခင်ဗျားတစ်ခါမှ မကြားမိ ဘူးလား။ ခင်ဗျားလမ်းသွားပုံအချိုးမကျတာကိုပြောတာဗျ၊
ခြေထောက်ပြားပြားကြီးကို မြှောက်လိုက်ချလိုက်နဲ့ တစ်လှမ်းလှမ်း လို့လဲ ဘယ်လောက်မှ
ရောက်တာမဟုတ်ဘူး။

ဒီအထဲလည်ပင်းကြီးဆန့်ဆန့်နဲ့ ဘေးလူတွေကိုရန်ရှာချင်သေးတယ်။
တွေ့ရ သူတိုင်းကစိတ်ညစ်ကြတယ်။ ကျုပ်ကခင်ဗျားပြောတဲ့အတိုင်း တစ်မျိုးတည်းစွမ်းတာ မှန်ပါတယ်။ ဒါပေမယ့် တစ်မျိုးဆိုတစ်မျိုး ပြတ်ပြတ်သားသား စွမ်းတယ်ဗျ၊ ကျုပ်မြေကြီးပေါ်မှာ အရှိန်အဟုန်နဲ့ပြေးလွှားဖို့မွေးလာတဲ့ သတ္တဝါ။ ကျုပ်ခန္ဓာကိုယ်မှာ အပိုဆာဒါးမဖြစ် ညစ်ကျယ် အစိတ်အပိုင်းတစ်ခုမှမပါခဲ့ဘူး၊ ကျုပ်ရဲ့တောင့်တင်းသန်မာတဲ့ ကြွက်သားအစိုင်အခဲတွေနဲ့ အချိုးအစားကျနတဲ့ ခြေတံလက်တံ တွေကို ကြည့်လိုက်ရုံနဲ့ဘယ်လောက် ပြေးအားကောင်းမယ့် သတ္တဝါဆိုတာမြင်နိုင်တယ်။ 

ကျုပ်ရွရွလေး ခုန်ပေါက်ပြလိုက်တာနဲ့ ကျုပ်ကိုထဲမှာခွန်အားတွေဘယ်လောက် ကြီးကြီးမားမား ကိန်းအောင်းနေတယ်ဆိုတာ သိနိုင်တယ် ။ ကျုပ်ကတစ်မျိုးတည်း သမား။ ဒါပေမယ့်အဲဒီ တစ်မျိုးမှာတော့ ထူထူးချွန်ချွန်ပေါက်ပေါက်မြောက်မြောက် ထိပ်ဆုံးရောက်တဲ့သူ။ ခင်ဗျားလိုဟိုစပ်စပ် ဒီစပ်စပ် တတ်သလို နပ်သလိုနဲ့ တကယ်တမ်းကျတော့ ဘယ်နယ်မှာမှ အသုံးမကျအရာမဝင်တဲ့ ဘဲငန်းမျိုးမဟုတ်ဘူး”။ ဆိုပြီး မြင်းကဒေါနဲ့မောနဲ့ပြောတယ်ဗျာ။
-------------------------------------------------------------------------------------------
အသင်စာဖတ်သူရော ဘယ်လိုလူမျိုးကိုနှစ်သက်ပါသလဲ။
ဟိုစပ်စပ်ဒီစပ်စပ်နဲ့လူ့အသိုင်းဝိုင်းအတွင်း ဘဲငန်းလို နေထိုင်ကြမလား?
မြင်းလိုမျိုး တစ်ခုကိုတစ်ခု စွမ်းဆောင်မှုအပြည့်လုပ်ဆောင်မလား? 

စာရေးဆရာဖေမြင့်ရဲ့ ဂျီးနီးယပ်ထဲက စာစုလေးပါ။ 

အစဉ်ကြိုးစားနေတဲ့ မြန်မာအဲရင်းအဖွဲ့ (၂ဝ၁၅ မေလ)