အမေများနေ့ ဖြစ်ပေါ်လာတဲ့အဓိကအကြောင်းအရင်း

အမေများနေ့ ဖြစ်မြောက်အောင် ကြိုးပမ်းခဲ့သူကတော့ အမေရိကန်နိုင်ငံသူ Julia Ward Howe (1819-1910) ဖြစ်ပါတယ်။ သူမဟာ ကျော်ကြားတဲ့ စာရေးဆရာမကြီး တစ်ဦးဖြစ်ပြီး အမေများနေ့ ဖြစ်မြောက်အောင် သူမရဲ့ ကလောင်စွမ်းနဲ့ ကြိုးပမ်းခဲ့သူတစ်ယောက်ပေါ့။ Julia Ward Howe သေဆုံးတော့ သူမရဲ့သမီး Anna Jarvis က သူ့အမေရဲ့ အိမ်မက်ကို ဆက်လက်ပြီး ရှင်သန်စေခဲ့သူဖြစ်ပါတယ်။ အမေရိကန် အမျိုးသမီး Anna M. Jarvis (၁၈၆၄- ၁၉၄၈) ရဲ့ထောက်ခံပြောဆိုမှုကြောင့် မိခင်များနေ့ကို လူသားမိခင်ရဲ့ အထိမ်းအမှတ်နေ့အဖြင့် သတ်မှတ်လိုက်ကြတယ်။ Julia Ward Howe နဲ့ Anna Jarvis တို့ရဲ့ ကြိုးပမ်းမှု များကြောင့် နောက်ပိုင်းမှာ နိုင်ငံတကာ အမေများနေ့ ကျင်းပနေခဲ့ကြတာ ဖြစ်ပါတယ်။

နှစ်ဆယ်ရာစုနှစ်စမှာ အမျိုးသမီးတွေ လူ့အဖွဲ့အစည်းတွေထဲ ပါဝင်ခွင့်ရပြီး နိုင်ငံရေးတွေမှာ ဆန္ဒမဲပေးခွင့်တွေ ရလာကြတယ်။ ဒီလိုအခွင့်အရေးရတဲ့ နေရာမှာ ကြီးပြင်းလာခဲ့တဲ့ Annaက နိုင်ငံရေးတွေမှာ ပါဝင်ခဲ့တယ်။ ၁၉၀၅ ခုနှစ် မေလမှာ သူ့မိခင်ဆုံးသွားတယ်။ မိခင်ဆုံးပြီး (၂)နှစ်မှာ Anna က သူ့မိခင်စာသင်ခဲ့တဲ့ ဘုရားကျောင်းမှာ (၂)နှစ်ပြည့် (မေလ ဒုတိယပတ် တနင်္ဂနွေနေ့) အထိမ်းအမှတ်နေ့အဖြစ် ကျင်းပခဲ့တယ်။ အထိမ်းအမှတ်ပွဲမှာ မိခင်ရဲ့ချိုမြိန်မှု၊ ရိုးသားမှုနဲ့ ထာဝရတည်တံ့မှုကို မိခင်ကြိုက်တဲ့ အဖြူရောင် Dianthus caryophyllus ပန်းတွေနဲ့ အစားထိုးခင်းကျင်းခဲ့တယ်။ အခုခေတ်မှာတော့ မိခင်များနေ့ကို အနီရောင်ပန်း Dianthus caryophyllus အဖြင့် ပြောင်းလဲခဲ့ပြီး အဖြူရောင်ကိုတော့ ကွယ်လွန်သွားတဲ့မိခင်တွေအတွက် သုံးကြတယ်။

၁၉၀၈ ခုနှစ်မှာ ပုံစံတူအထိမ်းအမှတ်နေ့ ထပ်ကျင်းပခဲ့ပြန်တယ်။ အဲဒီနောက် Anna ဟာ မိတ်ဆွေ တချို့နဲ့ပေါင်းပြီး letter-writing campaign အဖွဲ့ကို ဖွဲ့စည်းခဲ့တယ်။ ခေါင်းဆောင် အကြီးအကဲ၊ ကုန်သည်၊ ပါတီဝင်တွေရဲ့ ထောက်ခံမှုကိုယူပြီး အဲဒီအထိမ်းအမှတ်နေ့ကို တစ်နိုင်ငံလုံးရဲ့ မိခင်များနေ့အဖြင့် သတ်မှတ်ခဲ့တယ်။ အဖွဲ့အစည်းရဲ့ရည်ရွယ်ချက်တစ်ခုက သူ့မိခင်ကို လွမ်းဆွတ်ခြင်းကနေ ရှိသမျှ အမေအားလုံးကိုလေးစားပြီး လူတွေအားလုံး ဒီလိုအချိန်အခါမှာ မိခင်အပေါ်ထားတဲ့ လေးစားမှု၊ ချစ်ခြင်းတွေကို ထုတ်ဖော်ပြသဖို့နဲ့ မိသားစုအချင်းချင်း မေတ္တာတွေ ပိုမိုခိုင်မြဲစေအောင်ဖြစ်တယ်။ နောက်ရည်ရွယ်ချက်တစ်ခုက အမျိုးအမီးများအတွက် နေ့တစ်နေ့အဖြင့် သတ်မှတ်ပြီး အထူးသဖြင့် အိမ်ထောင်တစ်ခုလုံးအတွက် အနစ်နာခံ ပေးဆပ်နေတဲ့ မိခင်ဆိုတဲ့ အမျိုးသမီးကို အာရုံထား၊ ဂရုပြုမိဖို့အတွက်ဖြစ်တယ်။

Annaရဲ့ ကြိုးပမ်းမှုကြောင့် ၁၉၁၀ခုနှစ်မှာ West Virginia ပြည်နယ်က မိခင်များနေ့ကို အပြည်ပြည်ဆိုင်ရာနေ့အဖြစ် သတ်မှတ် ကြော်ငြာလိုက်တယ်။ ၁၉၁၁ခုနှစ်ရောက်တော့ ပြည်နယ်တိုင်းက မိခင်များနေ့ကို ကျင်းပကြတယ်။ အဲဒီနှစ်မှာပဲ ကမ္ဘာ့နိုင်ငံအသီးသီးက ဥပမာ မက်ဆီကို၊ ကနေဒါ၊ တရုတ်၊ ဂျပန်၊ တောင်အမေရိကားနဲ့ အာဖရိကတိုက်တို့ကလဲ မိခင်များနေ့ကို စတင်ကျင်းပခဲ့တယ်။ ၁၉၁၂ ခုနှစ် ၁၂ လပိုင်း ၁၂ ရက်နေ့မှာ The Mother's Day International Association ကို စတင်ဖွဲ့စည်းပြီး မိခင်များနေ့ကို အသိအမှတ်ပြုခဲ့တယ်။
၁၉၁၃ ခုနှစ် Pennsylvania ပြည်နယ်ကလည်း မိခင်များနေ့ကို အပြည်ပြည်ဆိုင်ရာနေ့အဖြစ် ကြော်ညာခဲ့တယ်။ ၁၉၁၄ ခုနှစ် မေလ ၈ ရက်နေ့ မှာ လွတ်တော်ကိုယ်စားလှယ်တို့ရဲ့ အတည်ပြုချက်နဲ့ မေလ ဒုတိယပတ် တနင်္ဂနွေနေ့ကို အမေရိကားရဲ့မိခင်များနေ့အဖြစ် သတ်မှတ်ခဲ့ကြတယ်။ အမေရိကန် သမ္မတ Woodrow Wilson က အတည်ပြု လက်မှတ်ရေးထိုးပေးခဲ့တယ်။

ဒီလိုနဲ့ အပြည်ပြည်ဆိုင်ရာမိခင်များနေ့ ဖြစ်လာခဲ့ရပါတယ်။
လူသားတိုင်းမှာ မိခင်ကိုယ်စီ ရှိပါတယ် အကြောင်းအမျိုးမျိုးကြောင့် မိခင်နဲ့ ခွဲခွါနေရလဲ ဒီလိုနေ့တွေမှာ မိမိ မိခင်စိတ်ချမ်းသာဖို့ အကြောင်းရင်း တစ်ခုခုနဲ့ အချိန်ပေးနိုင်ကြပါစေ။ အမေများနေ့ ဆိုတာကို လူတွေသတ်မှတ်လိုက်လို့ ဘယ်နေ့ဘယ်ရက် ဆိုပြီး ဖြစ်နေတာပါ။ တကယ်ဆိုတော့ အမေ့ကျေးဇူးက ကြီးမားလွန်းလို့ နေ့စဉ်နေ့တိုင်းဟာ အမေများနေ့ ဖြစ်သင့်ပြီး သူ့ကျေးဇူးကို အမြဲအောက်မေ့ သတိရနေသင့်ပါတယ် လို့တင်ပြရင်း မိခင်တိုင်းအတွက် ဂုဏ်ပြုရင်း ရေးသားဖော်ပြလိုက်ပါတယ်။
http://mr7cho.blogspot.com/…/international-mothers-day-1252… မှ ကူးယူဖေါ်ပြပါသည် .။

မြန်မာအဲရင်းအဖွဲ့ (၂ဝ၁၅ မေလ)