အမေ...ထွက်မသွားပါနဲ့...

ကျွန်တော်အသက်ငါးနှစ်အရွယ်မှာ….
“မေမေ.. မေမေ့စကားကို သားနားထောင်ပါမယ်။ မေမေ မသွားပါနဲ့..”
မူကြိုကျောင်းရဲ့ ကျောင်းပေါက်ဝမှာ မေမေ့ခြေထောက်ကိုဖက်ပြီး ကျွန်တော်ငိုယိုတောင်းပန်တယ်။
မေမေကထိုင်ချပြီး ကျွန်တော့်ရဲ့ပါးနှစ်ဘက်ကို လက်နှစ်ဘက်နဲ့ ကိုင်လိုက်တယ်။
“ယောက်ျားလေးဆိုတာ မျက်ရည်မကျရဘူး သား… အထဲမှာသားနဲ့အတူ ဆော့ကစားမယ့်သူငယ်ချင်းတွေ အများကြီးရှိတယ်။
ပြီးတော့ ဆရာမကလည်း သားကို သီချင်းတွေ အများကြီးသင်ပေးဦးမှာ။ သား သေချာလိုက်ဆိုပြီး မေမေ့ကိုပြန်ဆိုပြနော်။
မေမေရုံးဆင်းတာနဲ့ သားကို လာကြိုမယ်”
မေမေ့ပြောစကားကို ကျွန်တော်မျက်ရည်သုတ်ပြီး ခေါင်းညိတ်ပြလိုက်တယ်။

ကျွန်တော်အသက်ဆယ်နှစ်အရွယ် ….
“မေမေ……”ကျောင်းပေါက်ဝမှာ မေမေကိုတွေ့တာနဲ့ ကျွန်တော်ပြေးဖက်လိုက်တယ်။
မေမေ့ရင်ခွင်ထဲ ဝမ်းသာအားရ ကျွန်တော်ခေါင်းကိုအတင်းတိုးဝှေ့လိုက်တယ်။
“ဖြေနိုင်လား သား?”
အမှတ်ပြည့်ရတဲ့ အဖြေစာရွက်ကို မေမေဆီ ကျွန်တော်ထိုးပေးလိုက်တယ်။
“မေမေ့သားက တော်လိုက်တာ… လာ.. မေမေတို့ တစ်ခုခုသွားစားရအောင် သားကိုဂုဏ်ပြုရမယ်။”

ကျွန်တော်အသက် ဆယ့်ငါးနှစ်အရွယ်….
“သား မသွားချင်ဘူး.. သား ကျူ ရှင်မတက်ချင်ဘူး…ကျူ ရှင်တက်လည်း အပိုပဲ”
မေမေက စိတ်ဆိုးမာန်ဆိုးနဲ့ အဖြေလွှာစာရွက်ကို ထိုးပြပြီး “သား အမှတ်စာရင်းကို သားကြည့်ပါဦး။
ဘာဖြစ်လို့ မေမေ့စကားကို သားနားမထောင်ရတာလဲ?
ဒီလိုပုံစံနဲ့ဆက်သွားရင် တက္ကသိုလ်တက်ရမှာမဟုတ်ဘူး။
သားကို ပညာတတ်စေချင်လို့ မေမေ ပိုက်ဆံအကုန်ခံပြီး ကျောင်းထားတာ၊ တစ်နေကုန်
ဂိမ်းကစားဖို့ မဟုတ်ဘူး သား…” ကျွန်တော် တံခါးဆောင့်ပိတ်ပြီး အပြင်ကိုထွက်သွားလိုက်တယ်။
ကျွန်တော့်နောက်ကျောမှာ မေမေ့အသံကပ်ပါလာတယ်။
“သား……. ပြန်လာခဲ့…ပြန်လာခဲ့…!!”

ကျွန်တော့်ရဲ့အသက် ၂ဝနှစ်…..
“သား အိမ်မပြန်တော့ဘူး မေမေ.. ဒီည သားသူငယ်ချင်းတွေနဲ့ ပါတီလုပ်မယ်။
အော်.. အမေကိုပြောရဦးမယ်။ တက္ကသိုလ်ဝင်ခွင့်လျှောက်လွှာ သားဖြည့်လိုက်ပြီနော်.. ”
ရီဝေဝေအသံနဲ့ မေမေဆီ သူ့ဖုန်းဆက်တယ်။
“အိမ်ပြန်လာပြီး ဖြည့်ပါလား သား… မေမေ့ကို တိုင်ပင်ပြီးမှ ဖြည့်ပါလား!
မေ့မေ့ကိုလည်း ဘာမှမတိုင်ပင်ပဲနဲ့ သား ဘာလို့ မေမေ့စကား နားမထောင်ရတာလဲ?
သား …ဘာလိုင်းဦးစားပေးလျှောက်ထားသလဲ?”
“ဟာ… မေမေကလည်း စိတ်ရှုပ်လိုက်တာ.. သားကိစ္စ သားသိပါတယ်.. မေမေ ဝင်မပါပါနဲ့..”
မေမေဘက်က ဘာမှမပြောခင် သူဖုန်းအရင်ချပစ်လိုက်တယ်။
ပြီးတော့ ခွက်ကိုကိုင်မြောက်ပြီး အပေါင်းအသင်းဘက်လှည့်လိုက်တယ်။
“သူငယ်ချင်းတို့ရေ.. လာကွာ.. ချီးယားစ်…”

ကျွန်တော်အသက် ၃ဝနှစ်…..
“အရက်သောက်ဖို့ စိတ်ရှိသေးတာလား?”
ကျွန်တော့်လက်ထဲက ဖန်ခွက်ကို မေမေလုယူပြီး ပြောလိုက်တယ်။
“ဒီမိန်းကလေး မဆိုးပါဘူး.. မေမေ ဘယ်တော့မှ မြေးချီရမလဲ သားရယ်..”
“သူ့ကို သားမကြိုက်ဘူးမေမေ… ဟို ကောင်မလေးနဲ့ စပ်ပေး ဒီကောင်မလေးနဲ့ စပ်ပေး
မလုပ်နဲ့တော့မေမေ။ သားကို နေရာလပ်လေးတစ်ခုပေးပါ…”
“မေမေ့စကားကို တစ်ခေါက်လောက် နားထောင်ပေးပါလား သား? မေမေ ပြောမယ်….”
“ဟာ……. သား နားမထောင်ဘူး… ငယ်ငယ်လေးကတည်းက အခုချိန်ထိ မေမေ့စကားကို သားနားထောင်နေခဲ့တာ..
မေမေ ပြောတာတွေ ဘယ်လောက်မှန်လို့လဲ? ဘယ်လောက်မှန်လဲ?”

ကျွန်တော်ရဲ့အသက် ၄ဝ…..
ပိုက်ဆံက ဘယ်လောက်မှ မများပါဘူး။
လိုအပ်တာဝယ်ဖို့ မေမေအတွက် သားပိုက်ဆံထည့်ပေးလိုက်တယ်။
ပိုက်ဆံလိုတဲ့အခါ ဖုန်းထပ်ဆက်လိုက်ပေါ့…”
“မေမေ ဘာမှမလိုဘူးသား… နှစ်ကုန်တဲ့အခါ မြေးတွေခေါ်ပြီး အိမ်ပြန်ခဲ့ပါဦး..
သားတို့ကို မေမေလွမ်းလို့ပါ.. ပြီးတော့ သားကို မေမေပြောပြစရာတစ်ခုရှိတယ်…”
“နှစ်ကုန်ရင် ကုမ္ပဏီကလုပ်ငန်းတိုးချဲ့မယ်တဲ့။ သား တော်တော်နဲ့ ပြန်လာဖြစ်မှာ မဟုတ်ဘူး မေမေ…
နောက်ကြုံ မှ ပြောကြတာပေါ့…” ဖုန်းကို ကျွန်တော်ဘက်ကအရင်ချပစ်လိုက်တယ်။

ကျွန်တော့်အသက် ၄၁နှစ်…..
စီးကရက်တစ်လိပ်ကို ဖွာရင်းစာတိုက်ကပို့လာခဲ့တဲ့ စာတစ်စောင်ကို သူကြည့်နေမိတယ်။
စာအိတ်ပေါ်မှာ ပေးပို့သူလိပ်စာ မပါဘူး။ စာအိတ်ကို ဖောက်ကြည့်တော့ စာအိတ်ထဲမှာ....
သားအဖြစ် မွေးစားစာချုပ်တစ်စောင်၊ သေဆုံးကြောင်း ဆေးလက်မှတ်တစ်စောင်….
ဆေးလိပ်မီးခိုးငွေ့ကြားမှာ သူ့အမြင်တွေ မှုန်ဝါးသွားခဲ့တယ်။

အုတ်ဂူတစ်ခုရှေ့မှာ ကျွန်တော်ဒူးထောက်နေမိတာ ဘယ်လောက်ကြာခဲ့မှန်း မသိတော့ဘူး။
ကျွန်တော်နှလုံးသားတွေ ကွဲအက်မွကြေလို့… ဆို့နင့်တဲ့အသံနဲ့ မေမေကြားနိုင်ဖို့ နောက်ဆုံးစကားတစ်ခွန်းကို
ကျွန်တော်ပြောလိုက်မိတယ်။ တမလွန်က မေမေ သူ့အသံကို ကြားနိုင်ပါစေ…

“မေမေ… မေမေ့စကားကို သားနားထောင်ပါတော့မယ်.. မေမေ ထွက်မသွားပါနဲ့…”
"မေမေ....ထွက်မသွားပါနဲ့"

မိဘမေတ္တာကိုနားလည်နိုင်စွမ်းသော သားလိမ္မာ၊ သမီးလိမ္မာများဖြစ်ကြပါစေဟု...... www.mompoem.blogspot.comမှကူးယူဖော်ပြပါသည်။

မြန်မာအဲရင်းအဖွဲ့