အာဏာရှင်ဆန်တဲ့ အလုပ်ရှင်

အာဏာရှင်ဆိုတာနဲ့ လူတော်တော်များများက တိုင်းပြည်တချို့မှာတင်ရှိတာလို့ထင်ကြပါလိမ့်မယ်။ တကယ်တမ်း တော့ အာဏာရှင်ဆိုတာ လုပ်ငန်းခွင်တွေ ထဲမှာလည်း ရှိနေတတ်ပါတယ်။ အလုပ်ခွင်ထဲမှာ အာဏာရှင်ဆန်တဲ့ အလုပ်ရှင်တွရှိတယ်ဆိုရင် အံ့ဩကြမလား။ ဟုတ်ပါတယ်။ တကယ်အာဏာရှင်ဆန်တဲ့ အလုပ်ရှင်ရဲ့လက်အောက်မှာ လုပ်နေကြရတဲ့ ဝန်ထမ်းတွေကတော့ ထူးပြီးအံ့ဩမယ်မထင်ပါဘူး။ ကိုယ့်အလုပ်မှာ၊ ကိုယ့်ဌာနမှာ ဦးဆောင်နေတဲ့သူဖြစ်လို့ ခေါင်းဆောင်လို့ ချည်းသတ်မှတ်လို့ မရပါဘူး။ခေါင်းဆောင်နဲ့ မတူတဲ့ အာဏာရှင်ဆန်တဲ့သူတွေလည်း ရှိတယ်ဆိုတာမေ့ထားလို့မရပါဘူး။

အဲဒီလိုအာဏာရှင်ဆန်တဲ့ အပြုအမူတွေ၊ လုပ်ရပ်တွေ၊ ဆက်ဆံပုံတွေအတွက် ဝန်ထမ်းတစ်ယောက်အနေနဲ့ ဖြေရှင်းဖို့ နည်းလမ်းတော့မရှိပါဘူး။ အကောင်းဆုံး အကြံပြုလိုတာကတော့ အာဏာရှင်ဆန်တဲ့အလုပ်ရှင်ကိုစွန့်ခွာပြီး ကိုယ့်ရဲ့လေးစားမှုနဲ့ ထိုက်တန်တဲ့ စာနာမှုရှိတဲ့ ခေါင်းဆောင်ကို ရှာဖွေပါလို့ ပြောရပါလိမ့်မယ်။ ဘယ်ကအချက်တွေက အာဏာရှင်ဆန်တဲ့ အလုပ်ရှင်တွေရဲ့ သင်္ကေတတွေဖြစ်မလဲဆိုတာ ဆန်းစစ်ကြည့်ရအောင်ပါ။

ခေါင်းပုံဖြတ်တာ
ကိုယ့်ရဲ့ ဝန်ထမ်းဆီက ခေါင်းပုံဖြတ်တတ်တဲ့ အကျင့်ရှိတဲ့ အလုပ်ရှင်မျိုးက အာဏာရှင်ဆန်တဲ့ အလုပ်ရှင်မျိုးပါပဲ။ လုပ်ခလစာ အပြည့်မပေးချင်တာ၊ လုပ်ရတဲ့အလုပ်နဲ့ ရတဲ့လစာမညီမျှတာ၊ လုပ်အားနဲ့ ဝန်မမျှတာ၊ ဝန်ထမ်းတွေအပေါ် အစစအရာရာ လွှမ်းမိုးခြယ်လှယ်ချင်တဲ့ စိတ်ရှိတာတွေက အာဏာရှင်ဆန်တဲ့ အလုပ်ရှင်တွေရဲ့ စရိုက်လက္ခဏာတွေပါ။ အဲဒီလို အာဏာရှင်ဆန်တဲ့ လုပ်ငန်းခွင်တွေမှာ လူသားရင်းမြစ်တွေရှားပါးလာတတ်ပါတယ်။

ကြောက်ရွံ့မှုကို လက်နက်အဖြစ်အသုံးချခြင်း
အာဏာရှင်နဲ့တူတဲ့ အလုပ်ရှင်တွေက ဝန်ထမ်းတွေရဲ့ အကြီးအကဲအပေါ် ကြောက်ရွံ့ရိုသေမှုကို လက်နက်အဖြစ် တလွဲအသုံးချတတ်ပါတယ်။ လမ်းညွှန်မှုပေးတာ၊ အကြံပြုတာထက် အမိန့်ပေးတာ၊ ဖိအားပေးတာစတဲ့ အထက်စီးဆန်ဆန် ပြုမူပြောဆိုတာတွေ ပြုလုပ်တတ်ကြပါ တယ်။ အာဏာရှင်ဆန်တဲ့ အလုပ်ရှင်တွေက သူတို့ကိုဝန်ထမ်းတွေ ကြောက်ရွံ့ထိတ်လန့်နေတာကိုပဲ ကျေနပ်နေတတ်ကြပါ တယ်။

ဒါပေမဲ့ ဝမ်းနည်းစရာကောင်းတာက အာဏာရှင်ဆန်တဲ့ အလုပ်ရှင်လက်အောက်မှာ လုပ်ကိုင်နေကြရတဲ့ ဝန်ထမ်းတွေက ပျော်ရွှင်မှုမရကြပါဘူး။ အမြဲလိုလို မပျော်ရွှင်မှုနဲ့ အလုပ်မှာတစ်ခုခု မှား ယွင်းသွားမှာကို ကြောက်လန့်တဲ့စိတ်တွေနဲ့ ရှင်သန်နေကြရလို့ပါ။ လုပ်ငန်းခွင်မှာ အာဏာရှင်ဆန်တာက ကုမ္ပဏီရဲ့ ဂုဏ်သိက္ခာကိုပါ ကျဆင်းစေတယ်ဆိုတာ အလုပ်ရှင်တွေ သတိပြုမိဖို့လိုအပ်ပါ တယ်။

သင့်တင့်တဲ့ အကျိုးခံစားခွင့်မပေးခြင်း
ကိုယ့်လက်အောက်မှာရှိတဲ့ ဝန်ထမ်းတွေကို သူ့ရဲ့အရည်အချင်းနဲ့ကိုက်ညီတဲ့ ရာထူး၊ အကျိုးခံစားခွင့် မပေးတာကလည်း အာဏာရှင်ဆန်တဲ့ အပြုအမူတွေပါပဲ။ ဝန်ထမ်းရဲ့ ကြိုးစားမှုရလဒ်တွေကို အသိ အမှတ်ပြုဖို့ နှောင့်နှေးနေတာ၊ လုပ်ငန်းနဲ့ ပတ်သက်ပြီး ဝန်ထမ်းတွေရဲ့ အိုင်ဒီယာကို ဂုဏ်ပြုချီူးကျူးမှုမပြုတာ၊ လစာနဲ့ ပတ်သက်ပြီး လှည့်စားမှုလုပ်တာစတာတွေက အာဏာရှင်ဆန်တဲ့ အလုပ်ရှင်တွေရဲ့ အပြုအမူတွေလို့ ဆိုနိုင်ပါတယ်။

ခြိမ်းခြောက်ခြင်း
အာဏာရှင်ဆန်တဲ့ အလုပ်ရှင်တွေက စည်းမျဉ်းစည်းကမ်းတွေကို ကြောက်ပါတယ်။ ကိုယ့်လက်အောက် ဝန်ထမ်းတွေကို စည်းမျဉ်းစည်းကမ်းနဲ့ အုပ်ချုပ်ရမယ့် အစား ခြိမ်းခြောက်ပြီး အုပ်ချုပ်လေ့ရှိပါ တယ်။ ရာထူးတိုးတာထက် အလုပ်ဖြုတ်ပစ်လိုက်တာက ခပ်များများပါ။ သူ့ရဲ့ဖိနှိပ်မှုအောက်မှာ မနေနိုင်တဲ့ဝန်ထမ်းတွေ၊ ရသင့်ရထိုက်တဲ့ ခံစားခွင့်တွေကို မရလို့ တောင်းဆိုတဲ့ ဝန်ထမ်းတွေကို အာဏာရှင်ဆန်ဆန် အလုပ်ဖြုတ်ပြီး တခြားဝန်ထမ်းတွေကို ခြိမ်းခြောက်တတ်ပါတယ်။ သူ့ရဲ့ အာဏာရှင်ဆန်တဲ့ စီမံအုပ်ချုပ်မှုအောက်မှာ နေမလား၊ ဒါမှမဟုတ် အလုပ်ဖြုတ်ရမလားဆိုတဲ့ သဘောမျိုးဖြစ်အောင် ခြောက်လှန့်တာမျိုးပါ။ လိမ္မာပါးနပ်တဲ့ ဝန်ထမ်းတွေကတော့ အဲဒီလိုအလုပ်ခွင် မျိုးကို အောင်အောင်မြင်မြင် စွန့်ခွာတတ်ကြပါတယ်။

အရာရာတိုင်းကို ကျွမ်းကျင်သူလို့ ကိုယ့်ကိုယ်ကိုယ်သတ်မှတ်ခြင်း
ဒီအချက်ကလည်း သင့်ကို အာဏာရှင်ဆန်သွားစေတယ်ဆိုတာ သတိပြုမိဖို့ လိုတယ်။ပြသနာတိုင်း၊ ဘယ်ကိစ္စကိုမဆို ဖြေရှင်းနိုင်တဲ့ ကျွမ်းကျင်သူတွေလို့ မိမိကိုယ်ကိုမှတ်ယူတတ်ကြပါတယ်။ တခြားသူတွေက ကိုယ့်လောက်မတတ်ဘူး၊ မတော်ဘူးလို့ မှတ်ထင်ယုံကြည်တတ်ကြပါတယ်။ ဒါကြောင့် လုပ်ငန်းခွင်ထဲမှာ ကိုယ့် လက်အောက်ငယ်သားတွေ၊ လုပ်ဖော်ကိုင်ဖက်တွေအပေါ် မောက်မောက်မာမာ ဆက်ဆံတတ်ကြပါတယ်။

တခြားသူတွေရဲ့ အောင်မြင်မှုအပေါ် မှာလည်း ဂုဏ်ပြုစကားပြောဆိုတာ၊ အသိ အမှတ်ပြုတာတွေ ပြုလုပ်လေ့မရှိတဲ့အ တွက် လုပ်ငန်းခွင်အတွင်းမှာရှိတဲ့ ဝန်ထမ်းတွေရဲ့ လေးစားယုံကြည်မှုကို မရရှိတတ်ကြပါဘူး။ ဒီအချက်ကို အာဏာရှင်ဆန်တဲ့ အလုပ်ရှင်တွေ သတိထားမိဖို့ လိုပါတယ်။

စွက်ဖက်ခြင်း
လုပ်ငန်းခွင်ထဲမှာ အလုပ်နဲ့ပတ်သက်တာတင် စီမံခန့်ခွဲတာမဟုတ်ဘဲ ကိုယ့်ဝန်ထမ်းရဲ့ မှတ်စုစာအုပ်၊ အီးမေးလ်၊ ဖုန်းစတာတွေကိုပါ နောက်ကွယ်ကနေ ဝင်ရောက်စွက်ဖက်နေတာက အာဏာရှင်ဆန်တဲ့ အလုပ်ရှင်တစ်ယောက်ဖြစ်စေဖို့ တွန်းပို့နေပါတယ်။ ရုံးဝန်ထမ်းအတွက် အလုပ်လျှောက်သူ မိန်းကလေးတချို့ အင်တာဗျူးသွားတဲ့အခါ ကြုံရတာက အင်တာဗျူးတဲ့ အလုပ်ရှင်က ချစ်သူရည်းစားရှိ မရှိ မေးမြန်းတယ်လို့ ပြောတာတွေကြားဖူးပါတယ်။

ဒါက ပုဂ္ဂိုလ်ရေးနဲ့ဆိုင်တဲ့ မေးခွန်းမျိုးပါ။ အဲဒီလို အင်တာဗျူးမှာ အမေးခံရတဲ့ မိန်းကလေးက သူ့ကို အဲဒီအလုပ်က အလုပ်ခန့်လိုက်ပေမဲ့ သွားမဆင်းခဲ့ဘူးလို့ပြောပါတယ်။ ဒါက အာဏာရှင်ဆန်တဲ့ အလုပ်ခွင်မျိုးကို လိမ္မာပါးနပ်စွာ ရှောင်ရှားလိုက်တာမျိုးပါ။ ကိုယ့်မှာကောအာဏာရှင်ဆန်တဲ့ အလုပ်ရှင်မျိုး ရှိခဲ့ဖူးသလား။

မူရင်းရေးသားသူကိုကျေးဇူးတင်ပါသည်။

မြန်မာအဲရင်းအဖွဲ့